مشتاق أنا أسمع منه اليوم(لبيهـ) !!

09-25-2012, 10:02 PM

مشتاق أنا أسمع منه اليوم(لبيه)
ودي أعيش بجوها لو ثواني

بس أتلهف كلمته يوم أناديه
وليا نطق لبيه طحت بمكاني

أعيش في عينه وأنا ميت فيه
في وسط عينه كون من نوع ثاني

فديت خصلة قذلته يوم تذيه
حتى جبينه صار منها يعاني

الموت لاجاه الهوى وصار مشقيه
ثم انشغل فيها وأنا الموت جاني

ويا ويل قلبي لا بكى يوم ألاقيه
عقب البطا لا شفت زوله لفاني

يقول أنا مشتاق والشوق يعنيه
وأقول أنا اللي فيك ربي بلاني

وقمنا نسولف عن هوى عاش ماضيه
وبعض الكلام إن قيل زلزل كياني

وقام يتمنى قلت أحقق أمانيه
وأثره تمنى الموت كانه نساني

يا زين هرجه لا تكلم يغنيه
حتى كلامه صار مثل الاغاني

وإذا أنتهى وقت اللقى قمت أهديه
وأقول لا تعجل ترى العمر فاني

يقول أنا ما أقدر وأعاند وأسليه
من عقبها يضحك ويجلس ثواني

وأزعله ويفز وأرجع وأراضيه
ويقول أحبك والمصيبة أناني

كان اللقى عشرة دقايق وأخليه
وصار اللقى ساعة وساوت زماني

وراح يتمشى ماخذٍ قلب غاليه
بس يتلفت وبعيونه معاني

فزيت له مجنون ثم صحت أناديه
ثم قالها ( لبيه ) وطحت بمكاني

أتمنى أن ترتقي لذآئقتكم ..!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لبيهـ .. خذهـــ عيوني ــــآإ .. لو تبيهآ عطيتكـ . ~!	عيوني	مدونات الأعضاء	1355	10-25-2017 09:23 AM
أسمع ماشئت للشيخ الراشد 📚	الوسميه	الـًصوتيّاتٍ والمٍـرئياّت الإسلاّميةّ	8	12-17-2013 08:01 PM
أسمع وقول رأيك بمناسبة رمضان للجوال	حسون سبعين	الجوال وملحقاته	2	08-22-2011 01:08 PM
\|\| مشتآقه أسمع منه أنآ اليوم { لبيــه } \|\|	Đëëƞa❥	همسات شعريه	13	04-15-2011 03:15 AM
من ربعيات صلاح جاهين انا كل يوم أسمع ........ فلان عذبوه	بنت مصر	المنتدى التعليمي	5	10-15-2008 11:54 PM

الإعلانات النصية
ضع إعلانك هنا	ام تي 4 سيرف لخدمات الويب	المبيعات والدعم الفني

الذين يشاهدون محتوى الموضوع الآن : 1 ( الأعضاء 0 والزوار 1)