تمنيتك فرح وانسى شكثر احزان
ما ظنيت منك تكثر احزاني
وتمنيتك مسافه من الدمع للعين
اخلصهه بوجودك واختم اشجاني
تمنيتك قصيده من الالف للياء
اكتبهه بسلاسه وابد ما عاني
تمنيتك تحن وتقول هاذا انسان
حبك وتعذب مو شخص ثاني
تمنيتك سؤال وحله انته تكون
تقاسمني دمعتي بزمن بكاني
واتمنيت لهفة عاشك ومعشوك
ولا لحظه بحياتك سهو تنساني
كثرن امنياتي وثقلتهه عليك
بس ما اريدهن منك بعد اني
مشنقة العشك قصت هوايه قلوب
وقلبي اليوم ملني وهوه كصاني
مل من عندي حقه ما فرح فد يوم
عفته سنين وحده الوحده يعاني
وداعا يا ياقلب مو مني كل الصوج
واحجي شما تقول انسدت اذاني