مرحبااا ي جميللين ،،،، في موضوع ابا اتكلم فيه وهو اسباب ياللي تخليك ترتاح لاشخاص ، واشخاص ما ترتاح لهم >>>> برمس عن نفسي >>||~ :)


في ناس سبحان الله اول ماتشوفهم ترتاح لهم وناس تشوفهم سبحان الله يصير بينك وبينهم حاجز
الواحد مايتسرع ويقنع نفسه ارتاح لشخص ما ؟! ليش ؟؟! لان المظهر الخارجي غير عن معدن الشخص واخلاقه
يعني مب ضروري انك ترتاح لشخص انه يكون فعلا محل الارتياح .....،،، لانه الصدمه فالشخص المرتاح له تكون قويه جدا >>>

فيه ناس يعتمدون ع النظره العين يعني مجرد ما يشوف نظرة عين شخص يعرف >>>> ممكن بس مب الكل انا عن نفسي لا ،، نظره عين ماتكفي او مجرد حديث مره وحده خلاص ارتاح لا .... يعني بعد ما ارمس وياه واعرفه عدل واهم شي اخلاق الشخص واسلوبه طبيعة الشخص لو شفت هالشي ف هالشخص هنيه برتاح له لقربهم وصداقتهم ناس تحس معاهم بالثقه ناس صادقه ونيتها طيبه ..... ناس لها وجه واحد مب ٢ >>> فهمتوا شو اقصد هنيه

وبعد افكاره تكون متقاربه يفهم عليك وتفهم عليه /// الناس الطيبه و البشوشه ياللي تكون وياك ف المره و الحلوه ناس تحبك انت انت انت لذاتك مب لمصلحه شخص يحب لك الخير يخاف عليك يهتم بك >>> وهذا سبب ثاني .....



اما ف عالم السوشيال ميديا الثقه معدوووومه >>>>> طراخ >>> اقول الصدق الناس ف السوشيال ميديا و منتديات ما اثق فيهم ونادر ما ارتاح لهم او اثق فيهم ،،،،، يعني مب الكل بس اغلب .... لانه ما اعرفهم ماتعرف طبيعتهم من هم ؟! لانه في منهم يتقمصون شخصيات يعني في ناس تسوي نفسها انها وايد اوكيه والطيبه وماردي شوه وتطلع العكس تماما .... ممكن البعض يقول مب الكل وهذا صح مب الكل ....... بس فيه !!!!









مثلا المنتدى هنيه منتداانا الجميل ياللي انا احبه ^^^ بس كسلانه ما اشارك >>>> طلعي احسن

هنيه انا الكل احترمهم و اقدرهم وبس :)

فيه اعضاء ما شاء الله تنحب من اسلوبهم و طريقة تفكيرهم معنه ماشفتهم ولا عمرك التقيت فيهم او او او

بس اخلاق و اسلوب و التفكير يلعب دور في جذب الناس لك ....... :)




مب جنه تفلسفت وايد >>>>> ^_^





بس مثل ما ذكرت النظره يعني اول ما تشوف الشخص او من خلال مجرد حدديث واحد وجيه خلاص والله حسيت انه الشخص اوكيه وجيه خلاص ارتحت له مادري شوه لا
مايكفي او ما يكون سبب ،،،،

^_^







هنيه فيه ٣ انا ارتحت لهم او انه بديت ارتاح لهم >>>>
م



ب



أ
:) :) :)







ب اختصار

إذا رأى الإنسان إنسانا آخر فأحبه سريعا فهذا يدل على أن هذا المحبوب من الذي يحبهم الله تعالى وقد ألقى له القبول في الأرض , وقد أخرج الشيخان عن أبي هريرة رضي الله عنه أن النبي صلى الله عليه وسلم قال (( إِنَّ اللَّهَ إِذَا أَحَبَّ عَبْدًا دَعَا جِبْرِيلَ فَقَالَ إِنِّي أُحِبُّ فُلَانًا فَأَحِبَّهُ قَالَ فَيُحِبُّهُ جِبْرِيلُ ثُمَّ يُنَادِي فِي السَّمَاءِ فَيَقُولُ إِنَّ اللَّهَ يُحِبُّ فُلَانًا فَأَحِبُّوهُ فَيُحِبُّهُ أَهْلُ السَّمَاءِ قَالَ ثُمَّ يُوضَعُ لَهُ الْقَبُولُ فِي الْأَرْضِ وَإِذَا أَبْغَضَ عَبْدًا دَعَا جِبْرِيلَ فَيَقُولُ إِنِّي أُبْغِضُ فُلَانًا فَأَبْغِضْهُ قَالَ فَيُبْغِضُهُ جِبْرِيلُ ثُمَّ يُنَادِي فِي أَهْلِ السَّمَاءِ إِنَّ اللَّهَ يُبْغِضُ فُلَانًا فَأَبْغِضُوهُ قَالَ فَيُبْغِضُونَهُ ثُمَّ تُوضَعُ لَهُ الْبَغْضَاءُ فِي الْأَرْضِ )) واللفظ لمسلم



فالصنف الأول وهو الإنسان المحبوب وهو الذي يدخل قلوب الناس سريعا " بغير استئذان " لأن رب العالمين يحبه وقد وضع له القبول في الأرض.


وقد يتآلف الناس بطريقة غريبة وسريعة , فتتآلف الأرواح إما بسبب طبيعتها المشتركة وإما بسبب اشتراكها في الخلق, وأصل هذا الكلام ما أخرجه البخاري رحمه الله من حديث أم المؤمنين عائشة رضي الله عنها قَالَتْ سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ الْأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ .










انتوا شو رايكم ؟!